Ho seier at ei særmerking slik som eit eige klimamerke vil kunne verke meir forvirrande enn leiande.

Standard Norge har utarbeidd tilrådinga om klimamerke på oppdrag frå Nærings- og handelsdepartementet, skriv Mandag Morgen.

Verksemda tilrår samstundes at Noreg skal verte ein pådrivar for ei internasjonal klimamerkeordning samordna av FN i samarbeid med den internasjonale standardiseringsorganisasjonen ISO.

Miljømerking har frykta at regjeringa ville gå inn for eit eige norsk klimamerke, og er glade for at dette ikkje ser ut til å verte noko av.

− Ei særmerking slik som klimamerking vil ikkje ta omsyn til andre miljøaspekt ved eit produkt som kjemikaliar og ressursar. Eg helser samstundes arbeidet med å utvikle internasjonale standardar for å berekne klimagassutsleppa velkomen, seier Hedstein.